Ir a página principal 

   Alejandro Valero Fernández , I.E.S. María Guerrero de Collado Villalba (Madril) eskolan ingeles-irakaslea, eta nire aspaldiko lagun zaharra, eta herkidea da. Bere jakinduria eta begiruneari esker osatu ahal izan dut nire Web-aren zati hau. Euskarazko bertsio hau Joanba Bergararen, Natxo Guillenen eta Jon Imanol Iturriotzen laguntzari esker egin da http://www.habe.org.  Aula Tecnológica Siglo XXI delakoan WebQuest-ei buruz  makina bat gauza ikasi ostean, orain gure txanda da, ea era erraz batean geuk ere bat sortzen dugun.
Edozeinek, --nahikoa du  nabigatzailea erabiltzen jakin, eta Internet abian izan-- sor dezake hemen on-line Web orri itxurako bere WebQuest-a.

BERRIKUNTZA HANDIA du generadorearen azken bertsioak, hobea baita, batez ere inolako zailtasunik gabe oso era arruntean gordetzen direlako sortutako jarduerak edozein nabigatzailetan.

Honatx adibide gisara, generadorearekin sortutako hainbat WebQuest::

Web orri bat ondo nola diseinatu?.   Britainia Handiko seme-alabek nola ikusten gaituzte?
Google-ri baietz etekina atera!   Googleatzen
Este soy yo   Aingeruek negar egiten dutenean
Mappe concettuali nella professione docente   Aro modernoa. Euskaraz
Webquest sobre el Arte Canario Webquest sobre los Aborígenes Canarios

Sortutako web orria gordetze aldera hobe duzu zure disko gogorrean karpeta bat ireki; aurretik karpeta horretan gorde zuk web orrian izan nahi dituzun irudiak, *.gif motako artxiboak (animazioa sar daiteke) eta *.jpg erakoak..

    GIF (Graphics Interchange Format) formatoa 256 koloretako irudiekin erabiltzen da. Horregatik, egokiagoa da ikono eta marrazkientzat. Irudiak kalitatea ez galtzeko moduan konprimitzen dira, eta deskonprimitzean badirudi irudi horiek originalak direla, konprimitu gabeak.

   JPG(edo .jpeg, Joint Photographics Experts Group) konprimitze-formatoa egokia da 16.7 millioi koloreetako argazkientzat. Artxiboa formato honetan gordetzean konprimitze-maila erregulatu egin daiteke. Beraz, zenbat eta gutxiago konprimitu orduan eta kalitate hobea izango du argazkiak. Esate baterako:  800x600ko argazki batek gutxi gorabehera 1.400 Kb hartzen ditu BMP formatoan, eta  JPG-n 75 Kb hortxe-hortxe. 

Windows Nire PC-tik  abiatuta sor dezakezu karpeta, eta , esaterako, honela deitu: Nire_WebQuest-a. Horretarako sakatu Archivo/Nuevo/Carpeta:

Azalduko zaizu:

Hurrena saguarekin aukeratu, gero sakatu Archivo>Cambiar nombre eta jarri adibidez     Nire_WebQuest-a,  edota gehien gustatzen zaizun izena.  

Zure WebQuest-a sortzeko 3 urrats besterik ez dira beharrezko: hementxe dituzu argibideak xehe-xehe; baina hain erraza baita, agian didaktikoagoa da zu zeu saia zaitezen, eta zalantzarik izanez gero, lehen begiratu baten ondotik argibideetara itzultzea.

         SARTU    

Sartu datuak  dagokion eremuan: Proiektuaren Izenburua, Egilea,, Arloa, Maila,, posta elektronikoaren helbidea, Deskrpizioa, Hitz Gakoak, Sarrera, Ataza,, Prozesua, Baliabideak, Ebaluazio, Ondorioak eta Kreditoak..

Testua beste dokumentu elektroniko batean balego,  "Kopiatu" eta "Itsasi" egin daiteke.

Eremu guztiak (Egilea, Arloa, e-posta, eta Maila, horiek salbu)  aukerazkoak dira, ez dira derrigorrean bete beharrekoak,  bete gabe lagatakoak  ez dira sortutako Web-ean azalduko.

Deskripzioa: Sortutako orriaren deskripzio laburra. Esaterako: "Baleei buruzko Altxorraren Bila   lehen hezkuntzako ikasleentzat". Honela bilatzaile bidezko bilaketa hobetzen da.

Hitz gakoak: hitz multzo bat idatziko dugu, bilatzaile-motorrek baliatuko dituztenak gure orria katalogatzeko. Hitzak eta esapideak kakotxak erabiliz bereizi. Adibidez: WebQuest-a, irakaskuntza, jarduerak Interneten. Ondoren erabiltzaile batek bilatzaile bat hartu eta, adibidez, "WebQuest" hitza  edo "Internet bidez ikasteko jarduerak" esapidea bilatzean sarbide mordoa lortuko du, tartean gure orriarena, eta bisitatu ahal izango du interneteko helbidea aldez aurretik jakiteko beharrik gabe.

Letra-tipoa,  orriaren atzekoaren eta testuaren kolorea, aukera ditzakezu horretarako dauden botoiak sakatuz.
Beheko irudian ageri denez, erabiltzaile batek honakoa lehenetsi du (dagozkion aukerak baliatuz:) Arial letra-tipoa, testuaren kolore marroia, eta zuria orriaren atzeko kolorea.


 

  • Aukeran ez dagoen koloreren bat nahi izatera, dagokion kodigoa sartu.  HTML hizkuntzan kolore bakoitzak bere kodigoa du, hizkiz eta zenbakiz osatua.  sakatu hemen kodigo zerrenda bat ikusteko .

  • Aukeran ez dagoen letra-tiporen bat nahi izatera, sartu bere izena dagokion atalean.

Hurrengo menu zabalgarrian iturri erabilienen zerrenda mardula duzu.

Egizu kontu bisitari baten nabigatzaileak web gune batetik orri bat deskargatzen duenean, ezin izango  dituela ikusi bere sisteman ezarriak dauden iturriak besterik . Eta zer gertatzen da orri baten iturria bisitariaren sisteman ez badago? Orria bistaratzen da, baina nabigatzaileak aurretik zehaztua edo predeterminatua duen iturriarekin (ohikoenak, Windows-en, Times New Roman, Arial eta Courier New. Eta Mac sistema operatiboan Times, Helvetica eta Courier ). Beraz, zure web orrietan, erabil itzazu bisitarien sisteman ohikoenak izan litezkeen iturriak..

Letra-tamaina ere aukera dezakezu menu zabalgarri batean. Horrela testuaren tamaina aldatzen da, eta beste tamaina batzuk (markatzaileena, txikia; izenburuarena, handia) zuk aukeratutako tamainaren arabera azalduko dira, era proportzionalean.

Orriaren gibelean, atzean, erakargarriago egite aldera, irudi bat jar dezakezu. Azken batean, ikaslearen motibazioa areagotu. Esate baterako, irakurtzen ari zaren orri honek irudi bat du gibelean.

Horma bat pintatzen edo papera jartzen zaion bezalaxe, "paperaren" funtzio bera egin dezake irudi batek orri batean. Normalean Esploratzaile batek mosaiko bat egiten du irudi batekin, gibelaldea erabat betez, eta horrela ez dago irudi handi bat baliatu beharrik. Zer esanik ez, zenbat eta irudi txikiagoa izan, esploratzailean orduan eta bizkorrago burutuko da deskargatze-lana. Abiadak beti ajola du,  ez baduzu nahi behintzat bisitariak zure orritik beste batera jauzi egitea, zeurea deskargatzen denbora larregi ematen duelako. Ez jarri edozein irudi atzean. Galaxietako gerraontzi baten grabatua jartzen baduzu, xehetasun guztiekin, gaina hartuko dio pantailari, jan egingo du, eta horrez gain, irakurtezin bihurtuko du zure orria. Gibeleko, atzeko, irudirik eraginkorrenak txikiak izaten dira, textura dutenak, behin eta berriz elkarren segidan jar daitezkeenak gibelalde guztia era atseginean oso-osorik betez, aurrean dagoena jan gabe. 

Orriaren gibelerako desio duzun artxibo-grafikoaren izena jarri behar duzu, atzean irudi hori azaltzea nahi baduzu. Adibidez, lineafondo.gif Textura atalean: artxibo-izen hori aldez aurretik  Nire_WebQuest-a karpetan ezarri behar duzu.

Gure WebQuest horrek edozein ataletan izan ditzake irudi txertatuak: hau lasai azaldu behar da. Jakina, irudi artxibo-horiek Nire_WebQuest-a karpetan izango dira aurretik,  eta beraz, irudi bat txertatzeko artxibo-izena bere luzapenarekin  sartu beharko dugu, eta hautazkoa izango da irudi horren hurrenkera, zein aldetan nahi dugun azaltzea: ezkerrean, erdian ala eskuinean. 

Honatx adibide bat::

 Nire_WebQuest-a karpetan  behatzak.gif irudia jartzen dugu, eta Irudia atalean ere behatzak.gif.
 Aukeratutako hurrenkera  Ezk. bada, honela azalduko da:

SARRERA:


  Atazari buruzko hasierako informazioa eskaintzen da,  ataza hori  dibertigarria eta atsegina dela azalduz, ikasleari interesgarri gerta dakion eta motiba dadin.  

Aukeratutako hurrenkera Erdia  bada, berriz, honela:
 

SARRERA:

Atazari buruzko hasierako informazioa eskaintzen da,  ataza hori  dibertigarria eta atsegina dela azalduz, ikasleari interesgarri gerta dakion eta motiba dadin.

Eta hurrenkera Esk. bada, honela:

SARRERA:


Atazari buruzko hasierako informazioa eskaintzen da,  ataza hori  dibertigarria eta atsegina dela azalduz, ikasleari interesgarri gerta dakion eta motiba dadin.

Sarrera, ataza... eta antzeko hitzak azaltzen diren testu-eremu guztietan botoia azalduko zaizu, ia ezinbestekoa diseinu on baterako. Botoia behin sakatuta marra-jauzi bat txertatuko dugu.

Adibidez, demagun ataza hau:

Lau ikastalditan Interneten nabigatuko duzue (institutuan eta etxean). Web orriko informazioa baliatuz:.
  1. Sevilla erdian lotoki merkea bilatu.
  2. Turismo-jarduerarik garrantzizkoenak aurkitu.
  3. Aztertu Sevillara heltzeko garraiobideak.

Gure azken orria horrela azaltzeko, honako hau idaztziko dugu "ataza" testu-eremuan:

  Lau ikastalditan Interneten nabigatuko duzue (institutuan eta etxean). Web orriko informazioa baliatuz:

Bitan sakatuko dugu eta horrela "puntu eta bereiz" bat sortuko dugu.

Idatzi: 1.   Sevilla erdian lotoki merkea bilatu. Eta behin sakatu

Idatzi: 2.   Turismo-jarduerarik garrantzizkoenak aurkitu. Eta behin sakatu 

Idatzi: 3.   Aztertu Sevillara heltzeko garraiobideak:

Generadorean hauxe ikusiko dugu:

  sakatzen dugun aldiko, horretarako kodigoa txertatzen dugu: <br > (eskuz ere egin dezakegu), eta  sortutako Web orrian honako hau ikusiko dugu: 

Ataza: Lau ikastalditan Interneten nabigatuko duzue (institutuan eta etxean). Web orriko informazioa baliatuz:
  1. Sevilla erdian lotoki merkea bilatu.
  2. Turismo-jarduerarik garrantzizkoenak aurkitu.
  3. Aztertu Sevillara heltzeko garraiobideak.

  "Baliabideak" atalean Interneteko 15 helbide sar ditzakegu deskripzio-eremua eta dagokion URL-a osatze hutsarekin.

Uste dugu nahikoa direla Interneteko 15 helbide, baina irakasleren batek gehiago sartu nahiko balitu, sar ditzake, nahi izatera. Demagun honako baliabideok erantsi nahi ditugula:

Museo aipagarri gehiago:

 Arte Moderno Museoa (MOMA). Nueva York: http://www.moma.org
Louvre: http://www.louvre.fr

Horretarako "Esteka gehiago" atalean jarri hauxe:

 Esteka bat erantsi nahi dugun orotan  Esteka   sakatu, eta hauxe azalduko zaigu:

Deskripzioa: <a href="http://esteka"
target="_blank">http://esteka</a>

eta "Deskripzioa" dioen horretan, esaterako, "Arte Moderno Museoa (MOMA).Nueva York:"  idatziko dugu eta "esteka" dioen tokian  www.moma.org

Zure WebQuestaren atal guztietan honako botoiak izango dituzu:

  •   Beltza. Hau sakatzean <b>beltza</b> azalduko zaizu. Beltza hitzaren tokian beltzez joatea nahi duzun testua idatzi. Demagun "WEbQuest-a" hitza beltzez nahi dugula: <b>WebQuest-a</b> idatzi, eta sortutako web orrian WebQuest-a azalduko zaigu.

  •  Etzana. Hori sakatzean <i>etzana</i> azalduko zaizu. Etiketa horietan etzana azaltzea nahi duzun testua idatzi. 

Web orria sortu: zure proiektua egin ostean, aurre-ezarritako inprimatzeko moduak aldatu nahi izatera, horretarako dagoen aukeretako bat hobetsi beharko duzu:

Sortutako orria inprimatzeko aukerak:
WebQuest-aren diseinua, markatzailerik gabe eta orri osoan inprimatzeko.
Testua aukeratutako kolorearekin inprimatzeko, eta atzeko kolorea zuri.

Aurre-ezarritako inprimatzeko moduekin honela ateratzen da orria:

  •  Markatzaileekin, eta diseinu argiarekin, pantaillan ongi irakurtzeko gisan.

  • Testua beltz azaltzen da eta atzeko kolorea zuri. Hori beti gertatzen da,  testuko eta atzeko kolorea edozein aukeratuta ere.

Bi aukera dituzu aurre-ezarritakoa aldatzeko:

  1. e Altxorraren diseinua, markatzailerik gabe eta orri osoan inprimitzeko.

  2. e Testua aukeratutako kolorean inprimitzeko, eta atzeko kolorea zuri. Testurako edozein kolore aukeratu ahal duzu, baina ohar zaitez atzeko kolorea (nabigatzaileak berezkoa du hori) beti zuria izango dela, eta zuri horren gainerako kolore argiko testua aukeratu baduzu, gerta liteke nekez irakurtzea.

Azkenik SORTU WEBQUESTA sakatu, eta horrela nabigatzailearen leihoan bertan ikusiko duzu zeure lanaren emaitza.

Ez larritu sortutako orrian ez badituzu ikusten txertatutako irudiak, bukaeran azalduko dira nire_Webquesta.htm azken artxiboa --hirugarren urrats baten bidez  Nire_WebQuest-a karpetan gordeko duzuna --irekitzean; ikusiko duzu zein txukun azalduko zaizkizun irudiak.

Atsegin ez duzun zernahi aldatzeko, itzuli generadorearen orrira Atzera sakatuz zure nabigatzailean, eta aldaketen ostean sakatu berriro SORTU WEBQUEST

Zure orria inprimitzeko Archivo/Imprimir sakatu zure nabigatzailearen menuan

Gorde sortutako  Web orria.

Archivo/Guardar como .../Página web, sólo HTML menua baliatuz gordeko duzu orria. Internet Explorer-ekin esaterako honela egiten da:

Horrela gordetako orria edozein nabigatzailetan bistaratzen da, eta edozein programarekin editatu ahal da (FrontPage Express, Dreamweaver, Composer...)

Interneten argitaratu nahi baduzu, igo zerbitzarira Nire_WebQuest-a karpeta eduki guztiarekin, artxiboekin eta irudiekin batera. (Argitaratzen baduzu, mesedez bidalieiguzu helbidea, gure orritik sarbidea izateko). 

Generadore honekin sortutako web orriak World Wide Web Consortium-en HTML 4.01. hizkuntzari buruzko araudia betetzen du. Honako logoa ezar daiteke sortutako orriaren akaberan:. . Dena dela, komeni izaten da orria balidatzea W3C-ren web-ean: http://validator.w3.org/

 

  Mesedetxo bat: zure iritzia jakin nahi dugu. "1,2,3 zure WebQuest-a" erabili baduzu, bete hurrengo inkesta:

Izena:
E-posta:
Arazoren bat, zailtasunen bat izan duzu? Zein?
 "1,2,3 zure WebQuest-a" honek beste bertsio bat izango balu, nola hobetuko zenuke?
Puntuatu "1,2,3 zure WebQuest-a"  1 eta 10 bitartean.